كل المعلومات المتعلقة بمسابقة شبه طبي لعام 2024

- سيتم فتح مسابقات لدخول مدارس التكوين شبه الطبي وطنيا ، 8000 متكون في مساعد تمريض، 2000 مساعد طبيب أسنان ، 900 مساعد في طب الأطفال . 

• توضيح بالنسبة لمسابقات الشبه الطبي بكل التخصصات وكيفية التوظيف فيها والشعب المطلوبة للمشاركة

بالنسبة للتخصصات التالية :

ISP : ممرض للصحة العمومية

LSP : مخبري للصحة العمومية

MIMSP : مشغل اجهزة التصوير الطبي للصحة العمومية

HSP : مختص حفظ النظافة للثحة العمومية

KINÉ : مختص فالعلاج الطبيعي والفيزيائي للصحة العمومية

هذو مفيهم لاكونكور لاوالو لازمك تجيب الباك بمعدل مليح +14 فالشعب التالية (رياضيات-علوم تجريبية- تقني رياضي) وتقرا 3 سنوات فالمعهد الشبه طبي وتتخرج تتوظف ديريكت

""وبالنسبة للتخصصين هذو :

AMSP : مساعد طبي للصحة العمومية

ASSP : مساعد اجتماعي للصحة العمومية

هذو يقدرو يسجلو فيهم الشعب الادبية (اداب وفلسفة +لغات اجنبية) والتسيير والاقتصاد ومننساوش بلي حتى الشعب العلمية لذكرناها سابقا يقدرو يسجلو فيهم يعني الشعب العلمية يقدرو يسجلو فكامل التخصصات وكيفكيف نفس الشروط يعني لازمك باك +14 وتقرا 3 سنوات فالمعهد الشبه طبي وتتخرج وتتوظف ديريكت

وبالنسبة للبنات لي حابين يديرو ( قابلة : SF ) راهم يقدرو يخدمو زوج دوصيات ويدفعوهم الاول يكون تاع قابلة والثاني يكون فاحد التخصصات السابقة بصح كي تخرج النتائج وتلقا روحها ناجحة فلاليست فزوج هذاك الوقت تخير يا إما تروح قابلة او تروح لأحد التخصصات لوخرين هكا باش تخلي البوسط فارغ فأحد الفروع ويديه لبعدها فلاليست وتقرا 5 سنوات فالمعهد العالي للقابلات او الشبه الطبي

[ هذو لي ذكرناهم سابقا اوكل تفتح المسابقة تاعهم بعد الباك يجي في اعلان من وزارة الصحة فيه عدد المناصب المتاحة في كل ولاية ووين يقراو اذا نجحو]

بالنسبة لتخصص (مساعدي التمريض : ATS) تقدر تسجل فيه بزوح طرق:

الاول : تاع الدولة لازمك باك راسب علوم تجريبية او رياضيات + النجاح فالمسابقة لي تضَم اختبار كتابي في كل من مادتي (العلوم او الرياضيات مع الفرنسية او الانجليزية) لي تنظم كل عام في كل من شهر ديسمبر او جانفي وكي تنجح تقرا عامين فالسبيطار وتجتاز امتحان نهائي وتخرج تتوظف ديريكت

الثاني :بريفي يعني لازمك باك راسب +20 او 30 مليون تدفعهم وتقرا فالمدارس المخصصة ليها وتدي الديبلوم تاعك بصح متتوظفش يعني الخدمة مش مضمونة فيها حتان يجي التصريح بالتوظيف بالتوفيق للجميع

كما نوهت الوزارة إلى أن عملية التوجيه تتم وفق توزيع المقاعد البيداغوجية المفتوحة وحسب درجة الاستحقاق لكل ولاية ، بحيث ستخضع عملية القبول في تخصص شبه طبي لهذا العام الى نفس مراحل التسجيلات الجامعية في مختلف التخصص

ملف التسجيل النهائي :

– شهادة البكالوريا الأصلية، أو شهادة معادلة،

– الكشف الأصلي للنقاط،

– أربع (04) صور شمسية،

– شهادة السوابق العدلية (الصحيفة رقم 3 )،

– شهادة الجنسية الجزائرية،

– نسخة مصادق عليها من وثيقة إثبات وضعية المترشح تجاه الخدمة الوطنية (تأجيل، إعفاء).

تودع ملفات الترشح لدى مؤسسات التكوين شبه الطبي ومؤسسات التكوين للقابلات وكذا مديريات الصحة والسكان بالنسبة للولايات التي لا تتوفر على مؤسسات للتكوين شبه الطبي وذلك حسب الجدول الملحق بهذا الإعلان.

Aa